Ég hitti gamlan félaga í vikunni. Við höfum þekkst lengi. Ég man ekki alveg nákvæmlega hvernig við kynntumst, rámar í að það hafa verið í bekkjarpartýi í MS en þáverandi kærasta hans (og núverandi eiginkona – svo ég vitni í Leibba okkar gröfu) var með mér í ansi hreint skemmtilegum bekk. Þessi félagi er einn sá seiglaðasti sem ég þekki. Lætur ekkert koma sér úr jafnvægi og er ætíð trúr sínum hugmyndum og verkefnum.

Mér finnst þetta aðdáunarverður eiginleiki og ég hef fylgst með honum og einu af hans áhugaverðasta verkefni úr fjarlægð í mörg ár. Þetta verkefni og hugmyndafræðin á bak við það var langt á undan sinni samtíð og ég var svo heppinn að fá að taka þátt í því á sínum tíma að fá að vinna við það í nokkra mánuði. Hittingurinn í vikunni snérist einmitt um þetta verkefni og nú 30 árum eftir að ég kynntist því sé ég mikla möguleika á hvernig hægt er að nýta aðferðafræðina sem það snýst um í íþróttaheimum í dag.

Ég heyrði í öðrum góðum félaga í vikunni. Hann var að benda mér á áhugavert heilsueflandi framtak í bæjarfélagi á höfuðborgarsvæðinu og hvatti mig til að heyra í þeim af því mínar hugmyndir og þeirra færu svo vel saman.

Mér þykir ótrúlega vænt um þessa félaga mína og marga aðra sem ég hef kynnst í gegnum mitt ferðalag í gegnum lífið. Ef ég ætti að gefa yngstu kynslóðum þessa lands eitt ráð í dag væri það að koma vel fram við alla og hafa raunverulegan áhuga á því sem aðrir eru að fást við. Hlusta og fræðast um þeirra sýn á heiminn og þeirra viðfangsefni í lífinu. Það er bæði gefandi og áhugavert og er líklegt til þess að byggja upp góð tengsl sem endast út lífið.

Heilsumolar Gaua
Mosfellingur 27. október 2022

Bæjarblaðið Mosfellingur var stofnað haustið 2002 og fagnar því um þessar mundir 20 ára afmæli. Blaðið kemur út á þriggja vikna fresti og er dreift frítt í öll hús í Mosfellsbæ.
Mosfellingur er frítt, frjálst og óháð bæjarblað sem flytur jákvæðar og skemmtilegar fréttir af því helsta sem gerist í Mosfellsbæ.
Stofnandi blaðsins er Karl Tómasson og stýrði hann blaðinu fyrstu þrjú árin. Frá árinu 2005 hefur blaðið verið í umsjá Hilmars Gunnarssonar sem ritstýrt hefur blaðinu í 17 ár.

Skemmtilegast að fá viðbrögð
„Blaðið hefur vaxið jafnt og þétt í gegnum tíðina og ávallt vegið þungt í menningarlífi og allri umræðu í sveitarfélaginu,“ segir Hilmar Gunnarsson ritstjóri Mosfellings. Blaðið leysti fljótt af hólmi þau pólitísku blöð sem gefin voru út, hvert í sínu horni.
„Skemmtilegast hefur verið að fá viðbrögð bæjarbúa sem virðast njóta þess að fá fréttir úr heimabyggð beint í æð. Gallup gerði könnun á lestri blaðsins fyrir skömmu og kom þar bersýnilega í ljós sá áhugi sem Mosfellingar hafa á nærsamfélaginu en 90% bæjarbúa lesa blaðið. Það er virkilega ánægjulegt að sjá það svart á hvítu.“

Rekstur sem grundvallast af auglýsingatekjum
„Ég vil nota tækifærið og þakka því góða fólki sem hefur tekið þátt í þessari vegferð með okkur og þeim fyrirtækjum sem auglýsa í blaðinu og gera það að verkum að hægt er að halda úti bæjarblaði í Mosfellsbæ.
Mosfellingur er rekinn eingöngu af auglýsingatekjum. Karl Tómasson á þakkir skildar fyrir sinn drifkraft í blaðaútgáfu og fyrir að treysta mér fyrir framhaldinu.
Á síðustu árum höfum við auk prentmiðilsins haldið úti öflugu upplýsingaflæði til bæjarbúa í gegnum Facebook, Instagram og heimasíðu blaðsins. Það nýjasta er svo Mosfellingur í beinni, sem hóf göngu sína á Instagram fyrir kosningar. Samfélagsmiðlar koma og fara en prentað eintak Mosfellings viljum við halda í sem allra lengst.“

Gleðst yfir þessum tímamótum
„Eftir nokkurra ára stúss í blaðamennsku með heiðursmönnunum, Gylfa Guðjónssyni og Helga Sigurðssyni og síðar á hinum pólitíska vettvangi sem ritstjóri Sveitunga, sem var málgagn vinstri manna, ákvað ég að stofna mitt eigið blað, Mosfelling,“ segir Karl Tómasson.
„Lína mín var fljót að finna nafn á blaðið og kom með margar góðar hugmyndir að föstum liðum í blaðinu sem ég gleðst mikið yfir að eru sumir enn á sínum stað, 20 árum síðar. Ég gleðst innilega yfir þessum tímamótum og óska Hilmari Gunnarssyni og aðstandendum öllum til hamingju.“

Blað allra Mosfellinga
„Þegar ég stofnaði Mosfelling var alltaf ljóst að blaðið ætti að vera allra Mosfellinga, óháð öllum pólitískum flokkadráttum. Það gekk upp og er blaðið sannarlega allra.
Þegar ég tók svo slaginn á hinum pólitíska vettvangi í Mosfellsbæ gerði ég mér grein fyrir að á sama tíma gat ég ekki verið eigandi og ritstjóri slíks málgagns.
Minn helsti aðstoðarmaður og vinur kom strax upp í hugann sem arftaki minn og ég var alltaf viss um að betri mann gæti ég ekki fengið. Hilmar minn, nokkur persónuleg orð til þín kæri vinur. Þú ert engum líkur, fagmaður fram í fingurgóma, alltaf boðinn og búinn og gerir allt svo vel. Til hamingju með besta og flottasta bæjarblað á landinu,“ segir Karl Tómasson.

Nemendur Varmárskóla skólaárið 1964-1965.

Ljósmyndin sem hér fylgir var birt í Mosfellingi 16. desember 2010 og fylgdu þá væntingar um að reynt yrði að nafnsetja hana. Hér er gerð tilraun til þess. Dagbækur skólans komu að góðu gagni. Þó tókst ekki að tengja nöfn og mynd allra nemenda. Undirritaður naut dyggrar aðstoðar Helgu Jónsdóttur frá Reykjum o.fl. við verkefnið, sem var bráðskemmtilegt og vakti góðar minningar frá fyrstu árum skólastarfs í Varmárskóla.

Athugasemdir og ábendingar eru vel þegnar.
Umsjón Birgir D. Sveinsson (birgird@simnet.is)

Nemendur Varmárskóla skólaárið 1964-1965.
Mynd: Ragnar Lárusson. Vinnsla: Birna Mjöll
Talið er efst frá vinstri:
1. Bjarni Snæbjörn Jónsson, Reykjum
2. Hróbjartur Óskarsson, Hlíðartúni
3. Magnús Benediktsson, Mosfelli
4. Níels Hermannsson, Helgastöðum
5. Birgir Pedersen, Ásulundi
6. Stefán Ómar Jónsson, Steinum
7. Ólafur Þór Ólafsson, Hlíðartúni
8. Birgir Aðalsteinsson, Korpúlfsstöðum
9. Jón Jóhannsson, Dalsgarði
10. Georg Magnússson, Vinjum
11. Björn Heimir Sigurbjörnsson, Reykjahlíð
12. Halldór Vignir Frímannsson, Blómsturvöllum
13. Svafar Gestsson, Úlfarsá
14. Guðmundur Bjarnason, Mosfelli
15. Einar Þórir Magnússon, Reykjabraut
16. Pétur Haukur Ólafsson, Ökrum
17. Kjartan Þórðarson, Dælustöð
18. Sigurður Andrésson, Álafossi/Sandgerði
19. Sturlaugur Tómasson, Markholti 4
20. Guðmundur Jónsson, Suður-Reykjum
21. Óli Þór Ólafsson?, Hlíðartúni
22. Hafsteinn Jónsson, Reykjadal
23. X
24. Sveinn Val Sigvaldason, Skólabraut 3
25. Valgeir Guðmundsson, Markholti 2
26. Þorsteinn Pétursson, Dallandi
27. Páll Magnússon, Hvarfi
28. Guðjón Þorbjörnsson, Korpúlfsstöðum
29. Laust Krüger Ottsen, Álafossi
30. Ríkharður Pétursson, Dallandi
31. Aðalsteinn Aðalsteinsson, Korpúlfsstöðum
32. Jón Gunnar Benediktsson, Bjargarstöðum
33. Þorkell Jóelsson, Reykjahlíð
34. Thor Thors, Lágafelli
35. Þórður Hauksson, Reykjalundi
36. Bjarki Bjarnason, Mosfelli
37. Ómar Örnfjörð Magnússon, Selholti
38. Bjarni Ásgeir Jónsson, Suður-Reykjum
39. Erling Pedersen, Ásulundi
40. X
41. Guðmundur H. Guðmundsson, Þormóðsdal
42. Unnur Jónsdóttir, Helgafelli
43. Ragnheiður Ragnarsdóttir, Reykjavöllum
44. Helga Jörundardóttir, Litlalandi
45. Bryndís Einarsdóttir, Reykjadal
46. Ásdís Frímannsdóttir, Blómsturvöllum
47. Guðný Margrét Ólafsdóttir, Hamrafelli
48. Guðlaug Sigurðardóttir, Reykjadal
49. Sigríður Jóhannsdóttir, Dalsgarði
50. Sigrún Þórarinsdóttir, Markholti 4
51. Guðrún Önfjörð Magnúsdóttir, Selholti
52. Kristín Gylfadóttir, Eyrarhvammi
53. Jóna María Eiríksdóttir, Reykjalundi
54. Guðný Björg Þorgeirsdóttir, Varmadal
55. Hrafnhildur Hreinsson, Markholti 6
56. Þóranna Halldórsdóttir, Ösp
57. Sigurjón Ásbjörnsson, Álafossi
58. Bjarki Jónsson, Árvangi
59. Árni Guðnason, Álafossi
60. Jens Indriðason, Víðigerði
61. Gunnlaugur Jón Hreinsson, Laugabóli
62. Jón Sveinbjörn Haraldsson, Markholti
63. X
64. Diðrik Ásgeirsson, Suður-Reykjum
65. Guðni Þór Guðmundsson, Þormóðsdal
66. Pétur Thors, Lágafelli
67. X
68. Rósa Árnadóttir?, Árbakka
69. Rósa Ragnarsdóttir, Reykjavöllum
70. Úlfhildur Guðmundsdóttir, Dælustöð
71. Vigdís Sveinsdóttir?, Bjargi
72. Sigríður Sveinsdóttir, Bjargi
73. Helga Jónsdóttir, Suður-Reykjum?
74. Dóróthea Lárus-/Lorensdóttir, Hlíðartúni
75. Hlíf Hreiðarsdóttir, Hlíðartúni
76. Kristín Óskarsdóttir, Hlíðartúni
77. Hanna Erlendsdóttir, Hömrum
78. Margrét Þóra Baldursdóttir, Þórsmörk
79. Sjöfn Benjamínsdóttir?, Álafossi
80. X
81. Áslaug Höskuldsdóttir, Dælustöð
82. Þorsteinn Kristinsson, Melstað
83. Ólöf Helga Þór?, Blómvangi
84. Guðrún Indriðadóttir, Víðigerði
85. Hafdís Hreiðarsdóttir, Fjallabaki?
86. Þóra Gylfadóttir, Eyrarhvammi
87. Svanhildur Árnadóttir, Litlu-Blómvöllum
88. Anna Guðrún (Systa) Guðnad., Álafossi
89. X
90. Herdís Hermannsdóttir?, Helgastöðum
91. Arndís Jóhannsdóttir?, Dalsgarði
92. Sigurlaug Óskarsdóttir, Garði 93. X
94. Hulda Sveinsdóttir, Reykjahlíð
95. Svanhvít Hreinsdóttir, Laugabóli
96. Elsa Hákonardóttir, Mosfellsdal
97. Ingunn Egilsdóttir?, Hlíðartúni
98. Ástríður Jóhannsdóttir, Lyngási
99. Sigríður Pétursdóttir (Síta)?, Markholti nr.?
100. X
101. Jóhanna Hermannsdóttir, Helgastöðum
102. María Titia Ásgeirsdóttir, Suður-Reykjum
103. Anna B. Gísladóttir, Reykjahlíð
104. Ingvar Hreinsson, Markholti 6
105. Marteinn Stefánsson, Litlagerði
106. Lorens Lárusson, Hlíðartúni
107. X
108. Andrés Thors, Lágafelli
109. Pétur Heimir Guðmundsson Garði
110. X, 111. X, 112. X
113. Allan, 1954 114. Lárus Halldórsson, Ösp
115. Ágúst Tómasson?, Eik
116. X
117. X
118. Ármann Óskar Gunnarsson, Stekkjargili
119. Sigurbjartur Ág. Guðmundsson, Lyngási
120. Guðmundur Þórðarson, Reykjaborg
121. Helgi Ásgeirsson, Reykjum
122. X
123. Þórarinn Sveinsson, Láguhlíð
124. Kristján Ingi Jónsson, Reykjum
125. Steinar Jónsson, Steinum
126. Magnús Tumi Magnússon, Hvarfi
127. Kristinn Hannesson, Hlíðartúni
128. Valdimar Stefánsson (Bóbó), Litlagerði
129. X
130. Torfi Axelsson, Ekru
131. X
132. Smári Baldursson, Þórsmörk
133. Hafdís Hannesdóttir, Lágafelli
134. Unnur Pétursdóttir, Markholti 12
135. Regína Úlfarsdóttir, Rein
136. X
137. Anna Guðmundsdóttir, Reykjalundi
138. María Guðmundsdóttir, Þormóðsdal

Október er kominn. Það þýðir að haustið er formlega komið. September er ekki haustmánuður eins og allir ættu nú að vita. September er síðsumarmánuður og sömuleiðis mikill afmælismánuður, en margir góðir eiga afmæli í september, eðlilega kannski, „julehyggen“ er þarna níu mánuðum áður.

Haustið er tíminn til að kafa ofan í sálina. Næra hugann, lesa góðar bækur – ég er sjálfur að lesa sjálfsævisögu Bruce Springsteen þessa dagana, hún fer virkilega vel af stað, bók sem ég hlakka til að lesa fyrir svefninn – og hlusta á góðar plötur, heilar plötur, ekki bara lag og lag. Ég er einmitt að hlusta á plöturnar hans Bruce frænda míns samhliða því að lesa bókina hans. Mjög áhugaverð tvenna – ég passa mig á því að fara ekki fram úr sjálfum mér, hlusta bara á þær plötur sem ég er búinn að lesa um.

Bruce er magnaður karakter. Hann fékk ekkert upp í hendurnar og þurfti að leggja mikið á sig til að ná frama í tónlistinni. Hann var nægjusamur, auðmjúkur og duglegur. Gafst aldrei upp og lét engan segja sér að hann væri ekki nógu góður til þess að geta lifað af tónlistinni. Eitt sumarið bjó hann á strönd í Jersey með brimbrettatöffurum. Sveif um öldurnar á daginn, æfði sig á gítarinn seinni partinn og spilaði á hinum og þessum stöðum á kvöldin. Svaf svo undir berum himni ásamt hinum brettagaurunum á nóttunni.

Það færir mér hugarró að lesa um Bruce og að hlusta á tónlistina hans samhliða. Hjálpar mér að flæða inn í haustið og gera mig kláran í að tækla lægðirnar sem eru fram undan. Ég er meiri vor og sumar maður, en hef samt lúmskt gaman af haustinu og vetrinum. Það er ákveðin upphafsorka sem fylgir þessu tímabili sem er fram undan. Orka sem fylgir okkur inn í veturinn. Njótum haustsins!

Heilsumolar Gaua
Mosfellingur 6. október 2022

Eva Rún Þorgeirsdóttir rithöfundur og verkefnastjóri nýtur þess að kenna og skapa.

Uppáhaldsstaður Evu Rúnar Þorgeirsdóttur á hennar yngri árum var skólabókasafnið í Langholtsskóla. Þar gat hún gleymt sér í ró og næði í ævintýraveröld bókanna.
Draumur hennar um að skrifa kviknaði þegar hún var átta ára, hún byrjaði á því að skrifa dagbækur og ljóð sem síðar urðu að sögum. Síðastliðin ár hefur hún starfað við fjölbreytt verkefni en ástríða hennar liggur fyrst og fremst í því að búa til vandaðar bækur og sjónvarpsefni fyrir börn.

Eva Rún Þorgeirsdóttir er fædd í Reykjavík 7. nóvember 1978. Foreldrar hennar eru Ásta Eyjólfsdóttir fyrrv. bankastarfsmaður og Þorgeir Ástvaldsson útvarps- og tónlistarmaður. Systkini Evu Rúnar eru þau, Kristjana Helga f. 1971, Kolbeinn Þór f. 1983 og Eygló Ásta f. 1989.

Spiluðu stórt hlutverk í minni æsku
„Ég er alin upp í Langholtshverfinu við Laugardalinn og fannst skemmtilegt að alast upp þar en ég var einnig mikið hjá afa mínum og ömmu í Mosfellssveit og mér fannst líka yndislegt að vera þar, í nálægð við náttúruna.
Ömmur mínar og afar spiluðu stórt hlutverk í minni æsku og ég var heppin að geta varið miklum tíma með þeim.”

Góðar minningar frá Ítalíu
„Ég, bróðir minn og frændi vorum bestu vinir og lékum okkur mikið saman. Við fengum frelsi og traust til að leika okkur með allt sem við vildum. Við fórum í fjöruferðir og söfnuðum fullt af spennandi hlutum. Við settum síðan upp sýningar í garðinum hjá afa og ömmu sem við kölluðum, sædýrasafnið. Þetta eru ómetanlegar minningar alveg hreint,” segir Eva og brosir.
„Ég á einnig margar góðar minningar frá Ítalíu en þangað fórum við fjölskyldan á hverju sumri.”

Leið eins og ég hafði hitt rokkstjörnu
„Ég gekk í Langholtsskóla og mér fannst gaman í skólanum. Íslenska var í uppáhaldi og ég lagði mikinn metnað í að lesa, læra ljóð, skrifa sögur og teikna myndir. Það hefur líklega verið ávísun á það sem ég ætlaði að starfa við í framtíðinni svona án þess að ég gerði mér grein fyrir því.
Skólabókasafnið var uppáhaldsstaðurinn minn og ég lifði mig mikið inn í þær bækur sem ég las. Gömul bekkjarsystir minnti mig nýlega á það að ég hafi alltaf verið að segja henni frá persónum í bókum, sem henni fannst misspennandi,” segir Eva Rún og hlær.
„Ég man eftir því þegar Vilborg Dagbjartsdóttir rithöfundur kom í heimsókn á safnið og las upp úr bók sinni. Ég var átta ára og varð algjörlega heilluð af henni, mér leið eins og ég hafði hitt rokkstjörnu.”

Námið hafði mikil áhrif á mig
„Eftir útskrift úr gagnfræðaskóla lá leið mín í Menntaskólann við Hamrahlíð. Eftir góð ár þar ákvað ég að mig langaði að verða blaðamaður og tróð mér inn sem lausablaðamaður á tímarit, þar með hófst minn starfsferill í fjölmiðlum. Stuttu síðar fór ég að skrifa fyrir fleiri tímarit og síðar fékk ég vinnu á Stöð 2, á fréttastofu og við innlenda dagskrárgerð.
Ég naut þess mjög að starfa í fjölmiðlum en ákvað að gera hlé og fara í nám. Fór til London til að læra markaðsfræði og síðan lá leiðin til Árósa í Danmörku. Þar fór ég í nám í skapandi leiðtogafræði sem er verkefnastjórnun með áherslu á hnattræna hugsun og mannleg samskipti. Ég hafði mjög gaman af þessu námi og það hafði mikil áhrif á mig.”

Prófað flestar sundlaugar landsins
Eiginmaður Evu Rúnar er, Snæbjörn Sigurðsson rakari ávallt kallaður Stjúri, börn þeirra eru Ríkharður f. 1999, Sara f. 2007, Tinna f. 2009 og Sindri f. 2014.
„Ferðalög hérlendis og erlendis eru helstu áhugamál okkar fjölskyldunnar, við njótum þess að ferðast og skoða nýja staði. Við höfum einnig gaman af því að fara í sund og höfum líklega prófað flestar sundlaugar landsins.”

Að fylgja flæði lífsins
„Ég hef brallað ýmislegt, er mikið á ferðinni og finnst gaman að fá að vinna með ólíku fólki. Mér finnst skemmtilegast að vera í skapandi vinnu og þrífst á fjölbreytileika.
Eftir námið fékk ég skemmtilegt starf hjá Reykjavíkurborg þar sem ég sá um að halda utan um hina ýmsu viðburði.
Árið 2009 skipti ég um gír og fór í jógakennaranám, langaði að fara í þetta nám því ég hafði iðkað jóga lengi. Mér bauðst starf við að kenna jóga og ákvað að fylgja flæði lífsins og taka því starfi, allir vildu rækta sinn innri mann eftir hrunið. Fljótlega lærði ég svo að kenna börnum jóga og allt í einu var ég farin að kenna barnajógatíma. Í sjö ár var mitt aðalstarf að vera jógakennari og meðfram því byrjaði ég að skrifa bækur.”

Stúfur fer í sumarfrí
Fyrsta bók Evu kom út 2011 og heitir Auður og gamla tréð sem er ævintýra- og kennslubók í jóga fyrir krakka. Síðar gerði hún hugleiðslubókina Ró.
Árið 2015 kom út fyrsta bókin í spennusagnaflokknum, Lukka og hugmyndavélin en undanfarið hefur Eva Rún verið að skrifa bækur um jólasveininn Stúf. Nýjasta bókin heitir, Stúfur fer í sumarfrí, og byggir bókin meðal annars á upplifun Evu á Ítalíu þegar hún var barn.

Stolt af Eddu verðlaununum
Eva starfaði hjá RÚV í þrjú ár sem framleiðandi, handritshöfundur og leikstjóri. Hún hélt utan um framleiðslu á Stundinni okkar, skrifaði handrit að smá seríum bæði fræðslu og leikið efni, og bæði framleiddi og leikstýrði upptökum þar sem krakkar voru í aðalhlutverki.
„Þetta var frábær tími á KrakkaRúv með yndislegu samstarfsfólki. Við unnum Edduna 2021 fyrir besta barna- og menningarþáttinn og ég er mjög stolt af því.
Ég hef líka verið að skrifa hljóðbækur fyrir Storytel sem er skemmtilegt söguform. Ég skrifaði, Sögur fyrir svefninn, sem eru rólegar sögur fyrir krakka til að hlusta á. Ég fékk Íslensku hljóðbókarverðlaunin 2022 í flokki barna- og ungmennabóka fyrir þessa bók.”

Spennandi tímar fram undan
„Nú starfa ég nær eingöngu við ritstörf en ég kenni einnig krökkum að skrifa sögur. Það gefur mér mikið að sjá krakka á námskeiðum hjá mér blómstra og fá sjálfstraust við að koma hugmyndum sínum á framfæri. Mig langar að láta gott af mér leiða með skrifum mínum og kennslu. Efla áhuga á bókum og lestri og líka efla kraftinn og hugmyndasköpun hjá krökkum.
Fram undan eru spennandi tímar, ég er að gefa út nýja bók í haust og eins er ég að skrifa nýja hljóðbók fyrir Storytel. Ég er svo að fara af stað með sögusmiðju-klúbb, ásamt samstarfskonu minni Blævi Guðmundsdóttur, í Borgarbókasafni Reykjavíkur. Þangað geta krakkar komið sem hafa áhuga á því að búa til sögur, bæði skrifa og teikna.
Fleiri spennandi verkefni eru í gangi enda aldrei skortur á hugmyndum í kollinum á mér segir,” Eva Rún brosandi er við kveðjumst.

Heilsuhátíðin Heimsljós verður haldin í Lágafellsskóla um helgina.
Hátíðin hefst á heilunarguðþjónustu föstudaginn 16. september kl. 20 í Lágafellskirkju sem sr. Arndís Bernhardsdóttir Linn leiðir.
Heimsljós eru góðgerðarsamtök og þeir sem standa að hátíðinni eru í sjálfboðastarfi og allir þeir sem leggja fram fræðslu eða meðferðir eru að gefa vinnu sína. „Allt þetta fólk á þakkir skyldar fyrir að gera þennan merkilega viðburð að veruleika. Megi þeir njóta heilsu og hamingju,“ segir Vigdís Steinþórsdóttir, skipuleggjandi Heimsljóss.
Í Lágafellsskóla er svo opið frá 11-17 á laugardeginum, sunnudag 11-18.30 endar þá á hinni stórmögnuðu hópheilun þar sem Dísa möntrumeistari syngur og spilar. Þar getur fólk þreifað á kærleikanum hafi það ekki prófað slíkt áður.

Fjölbreytt dagskrá alla helgina
Á hátíðinni koma saman sérfræðingar á mörgum sviðum heilsutengdra mála, fræða, kynna, selja, veita innsýn í hinar ýmsu meðferðir og svo verður hægt að setjast niður og slaka á í hugleiðsluherberginu undir leiðsögn, tali og tónum. Mikill fróðleikur flæðir fram á öllum þessum 12 fyrirlestrum sem boðið er uppá.
Fjölbreytt dagskrá sem hægt er að kynna sér á heimasíðunni heimsljos.is
Frábært tækifæri til að hittast og spjalla, njóta veitinga frá okkar heimamanni, Kristjáni Magg matreiðslumeistara, sem er með okkur í fyrsta skipti.
Allir hjartanlega velkomnir. Að sjálfsögðu er frítt í kirkjuna á föstudeginum. Í Lágafellsskóla er greitt við innganginn á laugardegi 1.500 kr og gildir það líka fyrir sunnudaginn.

Klippt á borðann og samgöngustígurinn opnaður formlega.

Nýr og glæsi­leg­ur sam­göngu­stíg­ur í Mos­fells­bæ var vígð­ur form­lega í vikunni fyrir bæjarhátíðina að við­stöddu fjöl­menni. Hóp­ur barna úr Krika­skóla kom sér­stak­lega til að hjóla á nýja stígn­um.
Sam­göngu­stíg­ur­inn er sam­starfs­verk­efni Mos­fells­bæj­ar og Vega­gerð­ar­inn­ar og eitt af fyrstu stíga­verk­efn­um sem heyra und­ir Sam­göngusátt­mál­ann.
Sam­göngu­stíg­ur­inn ligg­ur í gegn­um Æv­in­týra­garð­inn frá íþrótta­svæð­inu við Varmá og að Leir­vogstungu. Um er að ræða tæp­lega 1,7 km lang­an og 5 m breið­an stíg, þar sem ann­ars veg­ar eru hjól­arein­ar hvor í sína átt­ina og hins veg­ar hefð­bund­inn göngu­stíg­ur. Hluti þess­ara fram­kvæmda var bygg­ing tveggja nýrra brúa, yfir Varmá og Köldu­kvísl.

Krakkar úr Krikaskóla klipptu á borða
Þau Ás­geir Pét­ur Ás­geirs­son og Elísa­bet Stein­unn Andra­dótt­ir, í 4. bekk í Krika­skóla, klipptu á borð­ann við vígsluna. Sig­urð­ur Ingi Jó­hanns­son, inn­viða­ráð­herra, Berg­þóra Þor­kels­dótt­ir, for­stjóri Vega­gerð­ar­inn­ar, Dav­íð Þor­láks­son, fram­kvæmda­stjóri Betri sam­gangna ohf. og Halla Kar­en Kristjáns­dótt­ir, formað­ur bæj­ar­ráðs í Mos­fells­bæ sögðu nokk­ur orð við at­höfn­ina. Tindatríó­ið söng nokk­ur lög og að lok­inni at­höfn hjól­uðu nem­end­ur í 4. bekk í Krika­skóla eft­ir hinum ný­vígða stíg.
Börn­um og öðr­um gest­um var síð­an boð­ið upp á safa, kaffi og klein­ur. Und­ir söng tríó­ið og fékk þá liðs­auka frá Sig­urði Inga í einu lag­inu.

Lokafrágangur í sumar
Mos­fells­bær hélt utan um verk­ið, stýrði hönn­un, sá um út­boð og var form­leg­ur verk­kaupi verks­ins. Vega­gerð­in hafði um­sjón með um­ferðarör­ygg­is­rýni og var Mos­fells­bæ inn­an hand­ar við verk­ið eft­ir því sem þörf var á.
Hönn­un verks­ins var í hönd­um Mann­vits og Land­mót­un­ar. Verktak­inn var Karína ehf. og VSÓ Ráð­gjöf ann­að­ist eft­ir­lit.
Fram­kvæmd­ir hóf­ust síðla hausts árið 2020 en mest var um að vera 2021. Í vor og sum­ar fór fram lokafrá­gang­ur.