Sunnudagur, 22. nóvember 2026
Forsíða
Atvinnulíf

Atvinnulífið í Mosó: „Íslensk framleiðsla og gæði“

Atvinnulífið í Mosó: „Íslensk framleiðsla og gæði“
2 mín. lestur
Facebook

Borgarplast hefur verið hluti af íslenskum iðnaði frá árinu 1971 og starfsemin hefur verið í Mosfellsbæ frá árinu 2008. Í dag starfa 20–22 manns hjá fyrirtækinu að Völuteigi 31a þar sem framleitt er fjölbreytt úrval plastvara, meðal annars fyrir matvælaiðnað, byggingariðnað, verktaka og einstaklinga.

Frá Borgarnesi til Mosó

Saga Borgarplasts hófst í Borgarnesi árið 1971 þegar þar var komið á fót frauðplastverksmiðju til framleiðslu á einangrun fyrir byggingariðnaðinn.

Árið 1983 var hverfimótunardeild fyrirtækisins stofnuð og hófst þá framleiðsla úr pólýetýleni, eða PE-plasti. Með þeirri framleiðslu urðu meðal annars til ker, fráveitubrunnar, rotþrær, geymar og ýmsar aðrar vörur sem hafa fylgt Borgarplasti í gegnum árin.

Starfsemin var síðar á Seltjarnarnesi en árið 2008 flutti Borgarplast að Völuteigi 31a í Mosfellsbæ í tengslum við lóða- og húsaskipti. Þar hefur starfsemin verið síðan.

Rotþrær og heitir pottar

Mosfellingar þekkja Borgarplast líklega best fyrir rotþrær og heita potta en vöruúrval fyrirtækisins er mun fjölbreyttara.

„Það myndi líklega koma mörgum á óvart hversu mikið vöruúrvalið er hjá okkur og hversu stór hluti starfseminnar tengist útflutningi,“ segja forsvarsmenn fyrirtækisins.

Matvæla- og byggingariðnaðurinn eru stærstu markaðir Borgarplasts og fyrirtækið leggur áherslu á íslenska framleiðslu og gæði.

Stolt af kerjunum

Þegar spurt er hverju fyrirtækið sé stoltast af eftir allan þennan tíma er sérstaklega bent á gæði kerjanna sem framleidd eru fyrir matvælaiðnaðinn.

Fyrirtækið hefur þannig byggt upp áratuga reynslu í framleiðslu á vörum sem þurfa að standast miklar kröfur og segir sérstöðu sína fyrst og fremst felast í íslenskri framleiðslu og gæðum.

Áfram uppbygging í Mosó

Núverandi stjórnendur hafa komið að fyrirtækinu síðustu þrjú ár og segja ekkert standa í vegi fyrir því að reka öfluga framleiðslustarfsemi í Mosfellsbæ.

Stefnan fyrir næstu ár er skýr: að halda áfram uppbyggingu, veita góða þjónustu og viðhalda sterkri stöðu á íslenskum markaði með vörur sem eiga sér langa sögu í íslenskri framleiðslu.

FYRIRTÆKIÐ Í TÖLUM

Stofnað: 1971
Starfsmenn: 20–22
Staðsetning: Völuteigur 31a, Mosfellsbæ
Helstu viðskiptavinir: Verktakar, einstaklingar og matvælafyrirtæki
Stærstu markaðir: Matvæla- og byggingariðnaður
Þekkt fyrir: Rotþrær, heita potta, ker og fjölbreyttar PE-vörur
Næstu markmið: Áframhaldandi uppbygging, góð þjónusta og öflug íslensk framleiðsla

HRAÐASPURNINGAR

Hvað þekkja Mosfellingar ykkur helst fyrir?
Rotþrær og heita potta.

Hvað aðgreinir Borgarplast frá öðrum?
Íslensk framleiðsla og gæði.

Af hverju eruð þið stoltust?
Gæðum framleiðslunnar á kerjum fyrir matvælaiðnaðinn.

Hvað kæmi fólki mest á óvart?
Hversu fjölbreytt vöruúrvalið er og hversu mikil útflutningsstarfsemin er.

Hvernig er að vera með starfsemi í Mosó?
Ekkert hefur komið í ljós sem vinnur gegn því að vera með starfsemina hér.

Hvar verður Borgarplast eftir 3–5 ár?
Í áframhaldandi uppbyggingu og með sterka stöðu á íslenskum markaði.

Birt í Mosfellingi 6. nóvember 2026.