Hreppaskjöldurinn áfram í Miðdal

Hrútasýning Sauðfjárræktarfélagsins í Kjós var haldin fimmtudaginn 10. október að Kiðafelli í Kjós.
Að venju var góð mæting og frábær stemning. Eitthvað var verslað með líflömb enda þónokkur með verndandi arfgerð gegn riðu til sölu.
Í félaginu eru sauðfjárbændur í Kjós, á Kjalarnesi og í Mosfellsbæ og kepptu þeir sín á milli um hver ætti besta hrútinn. Sauðfjárdómarar frá RML sáu um mælingar og dóma á gimbrum og hrútum.
Hreppaskjöldurinn eftirsótti fór í hendur Ólafar Óskar og Hafþórs í Miðdal en það var hrúturinn Örn sem var stigahæstur veturgamalla hrúta með 89 stig. Örn er undan Hallmundi frá Kiðafelli.
Í öðru sæti var hrútur nr. 23002 frá Kiðafelli með 87 stig og í því þriðja Golíat frá Efri-Flankastöðum (Katrínu Auðbjörgu) undan Glitni með 82 stig.

Hvítir hyrndir
Nr. 1065 frá Hrísbrú undan Þyrni frá Miðdal 86 stig
Nr. 100 frá Kiðafelli undan Styrmi 86 stig
Nr. 73 frá Kiðafelli undan Hornsteini 86,5 stig

Mislitir
Nr. 4 frá Kiðafelli undan Steini 89,5 stig
Nr. 160 frá Miðdal undan Steini 86 stig
Nr. 96 frá Reykjum undan Ægi frá Miðdal 86 stig

Kollóttir
Nr. 46 frá Kiðafelli undan Hornsteini 87,5 stig
Nr. 21 frá Kiðafelli undan Steini 87 stig
Nr. 37 frá Kiðafelli undan Steini 89 stig