Samstaða og skynsemi í þágu Mosfellsbæjar

Mosfellsbær stendur á tímamótum þar sem mikilvægt er að horfa til framtíðar með skýra sýn og ábyrgum hætti.
Á næstu árum þarf að byggja á því sem vel hefur tekist, en jafnframt taka á þeim verkefnum sem blasa við með samstöðu og skynsemi að leiðarljósi.

Í skóla- og velferðarmálum leggur Miðflokkurinn ríka áherslu á að tryggja stöðugleika og gæði. Börn og fjölskyldur eiga að finna fyrir öryggi og stuðningi í nærumhverfi sínu, þar sem menntun, uppeldi og velferð fara saman.
Á sama tíma þarf að efla þjónustu við eldri borgara, þannig að þeir geti búið við reisn, öryggi og virðingu í sínu samfélagi.

Þá skiptir miklu að skipulags- og samgöngumál séu unnin af festu og ábyrgð. Uppbygging þarf að taka mið af raunverulegum þörfum íbúa, gæta jafnvægis í þróun bæjarins og tryggja að fjárhagur hans standist álagið. Skynsamleg forgangsröðun og langtímahugsun eru lykilatriði í því samhengi.

Rekstur bæjarins þarf að vera hagkvæmur og gagnsær, þar sem hver króna er nýtt með ábyrgum hætti. Með traustri stjórn og aukinni skilvirkni í stjórnsýslu er hægt að bæta þjónustu við íbúa án þess að auka óþarfa útgjöld.

Með samstilltu átaki og skýrri sýn er hægt að byggja upp Mosfellsbæ til framtíðar – samfélag þar sem velferð, ábyrgð og skynsemi fara saman í þágu allra íbúa.

Sveinn Óskar Sigurðsson,
oddviti Miðflokksins í Mosfellsbæ