Elísabet gefur kost á sér í 3. sæti

Elísabet S. Ólafsdóttir gefur kost á sér í 3. sæti í prófkjöri Sjálfstæðisflokksins sem fram fer 31. janúar.

Elísabet hefur búið í Mosfellsbæ frá árinu 1979 og starfaði sem skrifstofustjóri og sáttasemjari hjá Ríkissáttasemjara í rúmlega 40 ár. Elísabet hefur tekið virkan þátt í starfi Sjálfstæðis­flokksins bæði í Mosfellsbæ og á landsvísu. Hún hefur verið í stjórnum bæði Sjálfstæðisfélagsins og Fulltrúaráðsins, lengst af sem formaður Fulltrúaráðs. Sat einnig í fræðslunefnd eitt kjörtímabil.

„Mér hefur þótt dásamlegt að búa í Mosfellsbæ öll þessi ár og vil nú nýta reynslu mína og þekkingu til þess að taka þátt í að gera bæinn okkar að enn betra samfélagi,“ segir Elísabet.